ଅତି ସହଜରେ ସେଦିନ କହିଥିଲ
"ତୁମ ଜୀବନେ ନହେଲେ ନାହିଁ
ତୁମ କାହାଣୀରେ ସ୍ଥାନ ନେବି"
"ଉପେକ୍ଷିତା ନାୟିକାର ଲୁହ
ଧର୍ଷିତା ନିରୀହର ନ୍ୟାୟ"
"ସନ୍ତାନହତ ମାତୃତ୍ୱର କୋଳ
ବୃଦ୍ଧା ବେଶରେ ବୟସର ବେଳ"
"ନିର୍ଯ୍ୟାତିତ ନବବଧୂର ଏକାନ୍ତ
ହସହସ ମୁଖେ ଝଡ଼ ଆୟତ୍ତର ଶାନ୍ତ"
ପାରିବ ?
ହୋଇପାରିବ ମୋ କାହାଣୀର
ଅସୁରୁଣୀ ବୁଢ଼ୀ ?
ସହିପାରିବ ମୋ କାହାଣୀ ନାୟିକାର
ମୃତ୍ୟୁ ବେଳର ପ୍ରତାଡ଼ନା ?
ଦେଇପାରିବ ମୋ କାହାଣୀ ନାୟିକାର
କ୍ଷଣ କ୍ଷଣର ଅନାବିଳ ପ୍ରେମ ?
ସହିପାରିବ ମୋ କାହାଣୀ ନାୟିକାର
ଦେଶପ୍ରେମ !
ନା !
ସହିବା ଏତେ ଶସ୍ତା ନୁହେଁ ।
କାହାଣୀ ଏତେ ସରଳ ନୁହେଁ ।
ତେବେ ଆଜି ମଧ୍ୟ ମୋ ଉତ୍ତରରେ
ମୁଁ ଅଟଳ…
"ତୁମେ ଚାଲିଯାଅ !
ଜୀବନ ଆଉ କାହାଣୀ
ଏତେ ସହଜ ନୁହେଁ ।"
✍️ ହିମାଂଶୁ ଭୂଷଣ ସାହୁ
#ଗଳ୍ପକବିତା
No comments:
Post a Comment