ଆସ କପେ ଚାହା ପିଇବା…
ଆଲୋଚନା କରିନେବା
ତୁମ-ଆମ ଜୀବନ ଜୀବିକା !
ପଢ଼ିନେବା ଫର୍ଦ୍ଧେ ରାଜନୀତି କଥା !
ବୁଝିନେବା ନୂଆ ନୂଆ ପ୍ରେମର ସଂଜ୍ଞା !
ଆଉ ….
କ'ଣ ଚାଲିଛି ସାହିତ୍ୟରେ ?
କେମିତି ଚାଲିଛି ବିଦେଶ ନୀତି !
ବନ୍ଦ ପଡିଛି କି ପୃଥିବୀର ପ୍ରଶ୍ୱାସ ,ପ୍ରଦୂଷଣରେ ?
ମହାକାଶରେ କେବେ ପଡ଼ିବ ନୀଳ ଜହ୍ନ ?
ଗାଁରେ କେମିତି ଉଲଗ୍ନ ହୋଇ ବୁଲେ ସହର !
ଟିକେ ତ ଗପିନେବା
ଅଧିକ ଶୁଣିବାକୁ ବିଷୟ ନାହିଁ
ଅଧିକ ଗପିବାକୁ ସମୟ କାହିଁ ?
ଏମିତି ବି କପେ ଚାହାର
ଆୟୁଷ କେତେ ଯେ ?
ଚାହୁଁ ଚାହୁଁ କେଇଥର ଓଠ ଛୁଆଁରେ
ସରିଯିବ ଚାହା !
ସରିଯିବ ଗପ ।
ସେଇଠୁ , ତୁମେ ତୁମ ବାଟେ
ମୁଁ ମୋ ବାଟେ ।
✍️ହିମାଂଶୁ ଭୂଷଣ ସାହୁ
#ଗଳ୍ପକବିତା
